Google

The Untold Story of My First Love- The Gwalior Trip (Part-2)

The Untold Story of My First Love- The Gwalior Trip (Part-2)

Third semester chal rha tha, october ka month tha. Unka message Gwalior chaloge mujhe kch kaam h , hamari taraf se by default yes tha har cheez k liye. Next morning Sunday tha and hme Gwalior nikalna tha. Bas tension ye thi pehli baar kisi ladki k sath bahar ja rhe the so thoda uncomfortable feel ho rha tha. Subah 9 bje train pakadni thi , so 8 bje room se nikle unko hostel se pick kiya ,auto pakda and station pahunch gye .Problem ye thi hum logo ko general dibbe mein ghusna tha , ek dibbe ki gallery khali thi hum log ghus gye . Jhansi se Gwalior tak koi stop nhi tha ,seat khali nhi thi . Train chalne lgi , to hum log train k gate par per latka kar baith gye . General dibbe mein is seat ki kafi demand hoti hai , aaj hamari kismat achi thi jo hme ye seat khali mili . Is seat par alag hi feel aati h, october mein thodi thodi thand bhi thi . Thandi hawa choo choo kar ja rhi thi ,and bagal mein “chipkali". Bas us time to yahi lag rha tha ye train chalti rahe ab na ruke . डेढ़ घंटा kab beet gya pta hi nhi chala ,aisa laga aaj train kch jyada hi jaldi aa gyi. Hum log gwalior station utre, unho kya kaam tha waha hme nhi pata tha .Kch der baad, madam boli yaha per jo kaam tha cancel ho gya, chalo gwalior fort chalte h. Hmne kaha uttam vichar h , lets go but usse pehle kch kha lete h. Railway station k bahar ek food shop mein hum log ghus gye . Khana thoosne k baad auto pakda Gwalior fort k liye.
Gwalior-1

Gwalior-2

Auto walon k andar ek gandi adat hai time and situation dekh kar kiraya badha dete h. Chalo koi nai hum log Gwalior Fort pahunch gye. Gwalior pehli baar aaye the ,and Gwalior fort bhi . Kafi acha lag rha tha , kile k raaste mein ek aunty ji imli bech rhi thi ,hum dono ko imli bahut pasand thi . Imli khaate khaate hum log aage badhe. Andar mandir bhi tha ,bholenath k bhi darshan ho gye . Sab kch complete complete sa lag rha tha .
Gwalior-3

Kile mein ghoomte ghoomte kafi maza aaya . Us samay hum bahao k sath chal rhe the jisse angrezi mein kehte h -”go with the flow”. Hum logo ko ghoomte ghoomte 4 baj chuka tha . Kafi thak bhi gye the so ek jagah baith kar rest kiya . Phr Fort k gate par aa gye waha kch kaane ko mil rha tha , khane k baad decide kiya bus stand chalte h waha se bus pakad k jhansi niklenge because shaam hone wali thi and unka hostel ki entry bhi band ho jaati. Bus stand se bus pakdi and second last seat par baith gye . Bus 3 ghante mein pahunchane wali thi , so hmne socha so liya jaaye upar se thakan itni ho gyi thi ki neend aa rhi thi.
Gwalior-4

Wo window seat k pass thi and hum side mein . Neend mein mera sar unke kandhe se takra gya and meri neend khul gyi. Unhone meri taraf dekha , maine need se bhari hui aankon se unhe dekha . Unhone bola its ok tum sar rakh k so jao . Bas phr kya tha aisi neend aayi ki bta nai sakte , beech beech mein bus rukti thi aankh khulti thi and phr dobara so jaate .Aisa krte krte kab jhansi pahunch gye .8 bje jhansi utre unhe hostel drop kiya ,and chehre par ek muskan liye apne room par aa gye.
Andar se ek alag hi khushi thi ki bas muh se yahi sabd nikle -”Thank You God”.




Post a Comment

6 Comments