Story of someone special , Pyaar ki ek aur kahani - Mytalesonline
August ka month hamare liye kch
jyaada hi khaas hai. Jab bhi aata hai kch na kch naya le kar aata hai. August
mein garmi dam tod rhi hoti hai , saavan suru ho chuke hote hai , har taraf hara
bhara hi nazar aata hai. Maano ek nayi suruaat hui ho . August 2019 chal rha
tha , Jhansi se Ghaziabaad aaye hue 1 saal ho gya tha . Noida mein job chal rhi
thi sab kch sukoon se tha. Company mein
kch positions k liye hiring chal rhi thi . Isi dauraan ek applicant ka message
aaya hai company k whatsapp number par –“sir work from home k liye opening h
kya “. Opening unki profile k liye
nai thi to hmne unhe mna kar dia aur unhe kch online portal suggest kare job k
liye. Unk jo bhi doubts the clear kare.
Hamari ye professional chat kab friendship mein badal gyi pta nai chala.
Ek to hme adat hai bahut batiyane
ki , pehle nai thi ab ho gyi hai . Koi baat karne ko na mile to hum likhne
lagte hai , kyunki raha nhi jaata . Baat
Khushi ki ho ya dukh ki hum chuppa nai sakte jab tak ki 3-4 logo se batiya na
le. Wo pyaar se hume “ Sir Ji “ bulati thi. Abhi naamkaran nhi hua tha to “Sir
Ji “ hi bahut pasand tha hme. Hum unhe “chuhiya “bulate the . Isk peeche
kaaran bhi hai ,ki wo bahut dubali patli thi. Wo Allahbaad nagri se thi .
Dheere dheere kafi baat cheet karne k baad pta chala unki aur hamari kafi
aadtein milti hai and pasand bhi . Koi apna jaisa insaan mil jaaye to Khushi hoti
hai.
Ab hum company whatsapp number se
personal whatsapp par aa gye the . Kyunki cheeze personal hone lagi thi . Chat
lambi hone lagi thi . Sukh dukh ka aadaan pradaan sab hone laga tha. Lekin hme ek baat ka dar bhi tha, August ka
mahina phr se ek nayi kahani suru kar rha tha pichli baar ki tarah poore 4 saal
baad . Suruaat mein hi ant ki chinta ho rhi thi ki kahi bhayanka na ho. Kabhi
kabhi hum cheeze suru to kar dete hai , lekin unka ant bahut bura ho jaata hai
. Isi dar ko man mein dabae aage badh rhe the.
Ab din mein kayi baar baat ho
jaati thi ek ajeeb adat si hone lagi thi. Usk message ka intezaar rehta tha. Wo
achi thi ,chulbuli thi , sundar thi udna to chahti thi par pinjre mein kaid
thi. Gharwalon ki kafi bandishe thi us par. Lekin ek naya dost paa kar wo khush
thi . Uski tasveeron ka folder banana suru kar diya tha . Roj ek nayi tasveer
collection mein jud rhi thi. Ek din shaam ko whatsapp par baat chal rhi thi ,
baat krte krte unhone call kar diya .Room mein thoda network problem thi to
ache se baat nai ho paayi. Us din k baad se calling ka Silsila bhi chalu ho gya.
Ab uski pyaari awaaz bhi sunne ko mil
jaati thi. Uska nature bahut acha tha. Waqt beet rha tha and bonding majboot ho
rhi thi. Hum unhe apne baare mein and apni pichli jindagi k baare m sab bta
chuke the . Wo bhi hme apne baare mein sab bta chuki thi. Ek naye rishte ki
suruaat ho gyi thi. Ek pyaar bhari dosti ka Rishta.
Ab hum log samay milne par video
call par bhi baat kar lete the. Uski bachkaani harkate dekhe bina neend nhi
aati thi. Raat mein video call chalti rehti thi, hum so jaate the wo hme dekhti
rehti. Ab sach to ye tha ki hme pyaar ho gya tha. Kch karibi doston ko is baare m bataya bhi . Kaam acha kro ya bura kro dost support k liye hamesha taiyaar rehte hai. Chatting mein pyaar ka
izhaar ho chuka tha bas muh se bolna baaki tha. Wo waqt bhi aa gya aur izhar kar dia ,izhaar ki jaruraat
nhi thi baise kch cheeze self understood hoti hai. Aapko khud pta chal jaata
hai aage kya hone wala hai. Hme to unse pyaar ho hi chuka tha . Pyaar ka Silsila
chal rha tha sab log khush the.
Daily baat hoti thi , ek baar ye
hua ki unka 2-3 din tak na koi message aaya na hi call . Hme lga kch to gadbad
hai . Phr ek unknown number se call aaya , call unhi ka tha . Wo ro rhi thi ,
unki mummy ne whatsapp chat padh li thi. Unki family kafi strict thi , unka
phone cheen liya gya and pitai bhi hui .
Ye sun kar bura to lga lekin use jyada is baat ka dukh hua ki uski pitai hui wo
bhi meri wajah se. Usne bola ab shayad baat nhi ho paegi ……….gharwale mere liye
ladka dekh rhe h shaadi k liye. Hum speechless the ek sath itna sab kch ho gya
ki kch samaj nai aa rha tha .Bas usk sath jo hua philhaal us baat ka jyada gum
tha. Usne call par ye bhi bola – “Papa tumhare against complain karne wale
hai , but mein tumhe kch nai hone dungi”. Ye call par hamari aakhiri baat
thi ...................to be continued
6 Comments
ohh so sad...........
ReplyDeletehmm....
DeletePass Aaye Dooriyan Kam Na Hui Ek Addhoori Se Kahani Hui....Hamari Adhuri Khani ...Mast hai Story .....Pubg Khelte Khelte Ghanto Gayab Ho Jana Bathroom Me....
ReplyDeletehahaaha...
DeleteMohabbat adhuri rh jaye to gum hota h......
ReplyDeletePar har mohabbat parwan chadhe ye jaruri to ni
Adoori mohabbat ke gum ka alag hi maza hota h..
Delete