Google

Vishal Bp Goldy aur hamari activa – a complete package of golden memories


Vishal Bp Goldy aur hamari Activa –  a complete package of golden memories

Vishal Bp Goldy

Dost banne ke bahut saare reasons ho sakte h . Jyadatar ek jaise log jab milte hai to wo dost ban jaate hai . Lekin agar aap mein aur aapke doston mein kch bhi similar na ho to dosti aur bhi gehri hoti hai . Aise hi kch anokhe dost hai meri zindagi mein – Vishal aur Adarsh ( BP) . Hamari dosti ki suruat 2014 mein college ke suruati dino mein ho gyi thi . Teeno alag alag jagah se the , teeno ki harakte alag thi but ek cheez common thi –“love for tea and pagalpan”. Vishal Jhansi se tha wo apni family k sath rehta tha . Mein aur Bp college k bahar room le kar rehte the . Vishal starting se hi kafi disciplined tha . Poore college mein ek hi launda tha jo 40 degree temperature mein bhi tie lag kar ghoomta tha . Final year tak proper dress code follow kiya hai launde ne. Mujhe to hamesha se kch daring karna tha to mein faltu kaamon mein jyada interest leta tha . Maine 1-2 din dress code follow kiya phr boring lagne laga. Suruati din bahut masti bhare the , college time se pehle pahunch jaate the phr department mein ghoomte the . Lunch mein chai ki talash mein jaate the .  Mein aur Bp to kabhi lunch laate nai the Vishal laata tha , apne liye bhi and hamare liye bhi . Bahar reh kar bhi ghar ka ghana milta rehta tha. Bp aadmi thoda ajeeb hai sabk liye nai kebal mere liye . Poore college ka sabse active launda yahi tha . Jaha hawa bhi na pahunche waha bp pahunch jaata tha . Bhagwan k baad bp hi har jahah milta tha. Vishal ne mera naam Goldy rakha tha.
Buddies

Semester exams mein  mein ginti ke 10-15 selected question padhta tha , and usme se mostly paper fas jaata tha . Bole to apna guessing power faadu tha . Jo padha wo paper mein aana hi hai. Bp super computer se kam nai tha…chalte chalte syllabus cover kar leta tha aur ache no bhi le aata tha . Vishal bahut padhta tha and top bhi maarta tha uski baat alag thi . Bachha mehnati to hai bahut kehna padega.
Scooty Ride

Us time par Vishal k pass golden colour ki Activa thi , wo active hamare liye Audi ,BMW se kam nai thi . Jab bhi free time milta hum nikal jaate ghoomne . Jhansi mein aisi koi chai ki dukaan nai bachi thi jaha hum logo ne chai na pi ho .  Class mein hum log 1 seat par hi baitha karte hamesha aur jaha tak mujhe yaad sabse jyada shaitani bhi krte the aur kisi ko pta bhi nai chalta tha.
Class mein jitne bhi gande nick names the , un sabka naam karan bhi maine hi kiya tha . Lekin kisi ko aaj tak pta hi nai chala . Adarsh jab Jhansi mein aaya tha tab log use Adarsh Patel k naam se jaante the , lekin jab Jhansi se gya Jab log use “BP” naam se jaane lge. Adarsh ka naam BP maine hi rakha tha. Full form nhi batenge bhai ko bura lagega .
Fun

 Bas itna samaj lijiye kch ganda hi ho sakta h. Achi cheeze dimaag mein aati hi nai thi kya kar sakte the. Visha aur Bp mein koi bad habit nai thi and mere andar koi good habit nai thi . Mein paani mein namak ki tarah ghul jata hu . Mujhe jaise log milte hai baisa hi ban jaata hu . Isliye kisi bhi mahol mein aaram se enjoy kar sakta hu.  Ek samay aisa bhi aa gya  tha HOD ne Vishal Bp dono se bola tha mujh par nazar rakhne k liye , agar mein koi bhi farzi kaam krte pakda gya to ye dono pitne wale the . But aisa kch hua nai , hum log jagga jasoos se better the .HOD kabhi pakad hi nai paaya. Jhansi fort kayi baar gye hum log , kafi celebrations bhi kiye hai waha par bahut mje kiye hai sath mein . Medical college , Hanuman sakhi mandir , Kaimasan temple , Manoj bhai ki chai ye hamare favourite spots the .Free time mein hum log yahi milte the .
Temple visit

Logo ke mje lene mein bahut maza aata tha . It was like an addiction . Din mein 2-3 logo ko ke mje na lo to neend nhi aati thi.  First year tak proper classes hoti hai . Usk baad kaafi free periods milte hai wo hamare liye golden time hota tha.  Dheere dheere kafi dost bante gye lekin ye kaum alag thi . Ek alag vicharon wali kaum . Hum log kafi ladte bhi the , but cheeze sambhal jaati thi . Koi na koi aa kar mana hi leta tha . Aur jyada din door bhi nai reh sakte ,bakchodi k bina zindagi boring lagne lagti thi.  Kaafi mazedaar kisser he hai hum logo ke sath mein and kaafi ajeeb bhi rhe hai . Hum log aksar Vishal k ghar jaate the Aunty k hath ka tasty tasty khana khane . Bp thoda shamra jaata tha  ,mein to pet bhar ke khata tha  apna bhi aur BP ka bhi .  Hum log ki hazaron memories hai and sab golden memories hai . Wo waqt beet chuka hai , par us waqt mein gujara hua har lambha aaj bhi yaad aata .

Love you guys
Friendship Forever………………








Post a Comment

4 Comments